သက်တမ်း ၂၀၀ရှိငါးကြီးတစ်ကောင် ဖမ်းမိ

ပြီးခဲ့တဲ့ ၂ရက်နေ့က အမေရိကန်နိုင်ငံ၊ အလက်စကာ ပြည်နယ်မှာ နေထိုင်တဲ့ Henery Liebmanဆိုသူဟာ ၃၉ပေါင် အလေးချိန်ရှိတဲ့ ရေချို ကျောက်ငါးအမျိုးအစား ငါးတစ်ကောင်အား ဖမ်းဆီး ရမိခဲ့ကြောင်းနှင့် အဆိုပါ ဖမ်းမိ ငါးကြီးမှာ သက်တမ်းအားဖြင့် နှစ်ပေါင်း ၂၀၀ခန့် ရှိနိုင်ကြောင်း ဆိုပါတယ်။

 အဆိုပါ ငါးကြီးအား ဖမ်းဆီး ရမိမှုနှင့် ပတ်သက်၍ Dialy Sitka Journalက ရှေးဦးစွာ သတင်းဖော်ပြခဲ့ပြီး စံချိန်သစ်များအား ရိုက်ချိုးနိုင်မည့် ဖမ်းဆီးရရှိမှု ဟူ၍ ဖော်ပြခဲ့ကြောင်း သိရပြီး နောက်ပိုင်းတွင် Yahoo!သို့ပါ တင်ပြသွားခဲ့ပါသေးတယ်။

အဆိုပါ ငါးအမျိုးအစားများမှာ အလက်စကာ မြစ်များအတွင်းတွင်သာ နေထိုင် ကျက်စားလေ့ရှိကြပြီး Liebmanဟာ ၄၁လက်မ အရွယ် ဆွဲပိုက်အမျိုးအစားဖြင့် ဖမ်းမိခဲ့ခြင်း ဖြစ်တယ်လို့ ဆိုပါတယ်။ အမေရိကန် အခြေစိုက် National Oceanic and Atmospheric Administrationအဖွဲ့ရဲ့ ပြောကြားချက်အရတော့ ဖမ်းမိငါးကြီးမှာ အရှေ့မြောက် ပစိဖိတ်ဒေသတွင်း သက်တမ်း အရှည်ဆုံး ငါးကြီး ဖြစ်နိုင်ကြောင်း ဆိုပါတယ်။

လက်ရှိတွင် ငါးကြီးရဲ့ အသက်နှင့် ပတ်သက်၍ စမ်းသပ်ခန်းမှ အတည်ပြုချက်ရရန် လိုအပ်နေသေးပြီး လက်ရှိတွင်တော့ အဆိုပါ ငါးမျိုးထဲမှ သက်တမ်းအရှည်ဆုံး အဖြစ် ၁၇၅နှစ်ရှိ ငါးတစ်ကောင်က စံချိန်ရယူထားနိုင်ကြောင်း သိရပါတယ်။

Myanmar ICT

Posted in: ထူးဆန်းထွေလာ